O Bertamiráns B lévase o derbi a falta de 7 minutos (0-1)

O Ames perdeu un punto que tiña no peto no derbi que o enfrontou en Covas ao filial do Bertamiráns. Foi un partido moi igualado, con pouco xogo e poucas ocasións. Tralos minutos iniciais de tanteo, o Ames foi dono do primeiro tramo do encontro. Ben agazapado e saíndo á contra, súas foron as primeiras chegadas. A iniciativa do esférico correspondíalle ao Bertamiráns B, que apenas creaba perigo. O Ames tivo varias oportunidades na primeira metade, a maioría desde o lado esquerdo. Juansiño boleou con moi mala intención desde o lateral da área. Nunha boa internada, centrou atrás, atallando o porteiro xusto cando chegaba Llello para rematar. Diego estivo a piques de cabecear cara atrás un saque de falta de Nito, ante a saída do porteiro, pero este chegou xusto a tempo para evitar o remate. O Bertamiráns B creou perigo con saques de banda longos que o seu dianteiro aguantaba intentando deixar de cara, ou savando faltas preto da área, pero apenas atoparon remate. Sí o fixeron nun córner que saíu preto do poste da man defendida por Juan. Na reanudación, o Ames saíu de xeito similar, pero máis deslabazado. O Bertamiráns B controlou mellor o partido na segunda parte, pero o seu perigo era irreal, sen apenas disparos, só chegadas á área. O Ames chegaba con timidez, sobre todo en xogadas a balón parado. Diego lanzou unha falta lonxana que o porteito visitante atallou sen problemas. Pouco a pouco, a distancia entre as liñas do Ames fíxose maior, e o Bertamiráns B adueñouse do esférico. Tivo máis chegadas e oportunidades, e nunha desas, a falta de sete minutos para o remate do encontro, fixo diana. Un centro á área amiense desde a banda dereita non foi atallado por Juan nin despexado polos defensores, estorbados por un dianteiro. Este recolleu o esférico, centrou atrás, e un compañeiro rematou a gol. Co marcador en contra, o Ames intentou o empate, e este puido chegar un par de minutos despois. Un centro desde a esquerda foi cabeceado por Llello, pero o gardamallas visitante rozou o esférico, que foi dar no pao para ser logo despexado pola defensa do Bertamiráns B. Ao final, derrota inxusta o Ames, o partido debeu rematar en empate.