O Ames déixase os tres puntos no tempo engadido ante o Trazo (3-2)

O Ames desprazouse este domingo a Trazo coa esperanza de sacar algo positivo dun terreo de xogo rapidísimo que dificultaba o control do esférico. Nos primeiros minutos o Trazo tivo un par de ocasións bastante claras, incluso un gol anulado, pero o Ames sería o primeiro en golpear con éxito a portería rival. Nunha gran xogada combinativa entre Miki e Pelicano, este devolveríalle o esférico a Miki, que golpeou á base do poste facendo inútil a estirada do porterio e adiantando aos amienses. Pero o Trazo logrou empatar cinco minutos despois, pese ao máis que probable fóra de xogo de dous dos seus atacantes, un dos cales bateu a Juan por baixo. O gol subiu ao marcador indignando aos xogadores do Ames, que só tería unha ocasión máis antes do descanso. Adrián internouse pola banda tras peinar o balón Nito, pero o interior visitante estivo lento na definición. Na segunda parte, o Trazo aproveitaríase do forte vento que sufría o Ames no seu campo, o que dificultaba sacar o balón xogado, e incluso despexa-lo. Pouco despois da reanudación, Juansiño sustituiría a Juan na portería, con molestias que lle impedían xogar. Tamén entraría Roi no campo, a posteriori autor do segundo gol do Ames. Miki sacou un córner e Roi remataría só na área pequena facendo o 1-2 e aumentando os nervos locais. Cando todo parecía indicar que o Ames se levaría os tres puntos, no minuto 91 chegou o empate local. O dianteiro local colleu o balón na frontal da área, e tras un par de regates anotou cun disparo potente que Juansiño non puido deter. Pero o peor estaba por chegar. O árbitro engadiu 6 minutos, cando ao longo do segundo tempo e de todo o partido non houbo interrupcións nin lesións, nin sequera o noso masaxista Víctor tivo que entrar no campo. Así pois, por decisión do colexiado, chegouse ao minuto 95, momento no que un rexeite na área amiense lle caería a un xogador local, que batería a Juansiño de disparo cruzado. Os erros de concentración e a indolencia arbitral quitábanlle a victoria ao Ames. A próxima oportunidade para redimirse, este domingo ante o Bertamiráns B en Castiñeiro do Lobo. A por eles rapaces!!!