O Ames volve a victoria cun hat-trick de Llello en San Marcos (1-3)

Despois de sete partidos sen coñecer a victoria, o Ames desfíxose con relativa comodidade do último clasificado, o San Marcos B, nun encontro no que Llello foi o protagonista con tres goles na primeira media hora de xogo. Os primeiros minutos foron de tanteo, pero pronto o Ames ía adiantarse no marcador. Tras unha boa combinación no medio, Nito habilitou a Llello cun bo pase, e este amagou o tiro ao pao longo pero colocouna polo primeiro. A partir de ahí, o Ames fíxose dono e señor do partido, con boas xogadas combinativas, entrando ben polas bandas, e con Nito facendo dano entre liñas. O segundo gol chegou tras unha gran xogada de toque colectiva, sacando o balón desde atrás. O esférico chegou a Juansiño na banda esquerda, este tocou a Nito que de primeiras deixouna de cara a Chete, o cal meteu un pase interior a Adrián. Este viu a entrada de Llello desde o segundo pao e puxo un bo centro co exterior do pé, e Llello controlou e rematou a gol tras un cambio de ritmo. Co dous a cero e o rival tocado, o Ames seguiu na mesma dinámica e redondeou o marcador nunha xogada parecida á do anterior tanto. Chete controlou preto da área e facendo o amago de abrir á dereita cara Adrián, habilitou a Llello no lado contrario. O ariete controlou co peito e enfilou portería batendo ó gardamallas local. Chegado este punto, o Ames viu como suficiente o marcador e botouse a durmir. Tanto que o San Marcos B reduciu distancias. Un balón á espalda de Pi deixou só ao atacante local, que bateu de vaselina a Juan na súa saída. O segundo tempo pouca historia tivo, cun campo pesado e un rival que non puxo apretos nin tiña suficientes argumentos para face-lo. Os minutos foron transcorrendo e o Ames levouse os tres puntos.