domingo, 15 de febrero de 2009
Gran remontada do Ames para derrotar ao Deixebre no último minuto (4-3)
O Ames sufriu ata o último minuto para levarse a victoria ante o sempre difícil Deixebre. A victoria logrouse pese a aos erros que lle deron os tres goles ao conxunto visitante. Os minutos iniciais foron de tanteo, pero pronto se viu ao que ían xogar ambos conxuntos. O Ames replegado e saíndo á contra, e o Deixebre lanzando balóns en longo aos dianteiros e aos homes de banda. O Deixebre adiantouse aos quince minutos de xogo, nun despiste da zaga local. O balón chegou á dereita do ataque visitante, o extremo centrou e o dianteiro atopouse só ante Fuentes. O seu disparo foi rexeitado polo gardamallas local, pero o rexeite acabou en gol xa que os centrais amienses recuperaron tarde a posición. Na xogada inmediata ao gol, o Ames forzou un corner, que Llello sacou moi ben ao segundo pao, onde apareceu Roi sen marca, cabeceando ao fondo das mallas. O partido seguiu transcorrendo con igualdade, sen grandes ocasiones nin un dominador claro. O Deixebre enviaba balóns longos ben controlados pola defensa local, e o Ames saía á contra de vez en cando. Foi o equipo local o que creou máis perigo na primeira parte. Unh falta de Miki estivo a piques de ser gol, pero o porteiro apareceu a carón do pao no último momento, despexando a corner. Pouco despois Miki picou o esférico por riba da defensa, Llello dudou un intre no remate e o porteiro despexou a corner con apuros. Preto do remate da primeira parte o Deixebre conseguiu o segundo gol. Un dos seus dianteiros fixo un sombreiro cara atrás dentro da área, e o balón golpeou na man de Pi, que estaba recuperando a posición. O colexiado pitou penalti e os visitantes adiantáronse novamente. Na segunda parte, o guión seguiu sendo o mesmo, aínda que o Ames intentou adiantar un pouquiño as liñas, sen perder o sitio. Miki tivo outra falta que se foi rozando o longueiro. Un par de balóns colgados en faltas laterais foron rematados por Roi na súa nova versión da "espaldinha", habilitando nun deles a segunda xogada para Diego, que cabeceou fóra. Mediada a segunda parte, Miki logrou o empate nunha xogada a lo Maradona. Tras roubar o balón en mediocampo, recortou ao seu par a tres cuartos de campo e amagou con dar un pase á banda dereita onde Llello se desmarcaba; isto abriu un oco na zaga visitante e Miki decidiuse a entrar en diagonal na área superando aos opoñentes. Ante a saída do porteiro, encarouse para disparar polo lado esquerdo, e bateuno por baixo polo lado contrario. Co empate, continuou o xogo igualado e a falta duns doce minutos o Deixebre volveu marcar. Unha falta no lado esquerdo sacada rápido polo ataque visitante pillou durmindo a todo o equipo e acabou nun pase da morte e no 2-3. O Ames non baixou os brazos e lanzouse a polo empate. Un pase interior a Llello por riba da defensa deixouno con vantaxe pero moi escorado, pero a súa bolea foise moi por riba. A igualada chegou a falta de tres minutos para o final. Un saque de banda moi preto do corner foi cabeceado cara atrás por Roi, casi na liña de fondo, o balón rozou o longueiro e Juansiño chegou para empuxa-la. Cando todos pensaban no empate, un balón en longo do Ames sen perigo foi controlado polo defensa no borde da súa área, o control escapouselle un pouquiño e chegou Juansiño, que tras tocar o balón coa punteira, internouse na área. Driblou ao seu par e trastabillado, foi encimado por dous zagueiros e derrubado cando intentaba avanzar. Penalti que Diego transformou e xúbilo nas gradas. Tan só un minuto despois, o colexiado puxo fin ao partido.
Suscribirse a:
Enviar comentarios (Atom)
3 comentarios:
Mi ma, nótase que levaba tempo sen xogar e sen facer crónicas que lle din ó teclado de cara... só quería felicitarvos a todos polo partidazo que fixestes contra o Deixebre (tamén o dixen en Ames Radio eh!!!!), se seguimos nesta liña temos varios partidos para subir un posto e achegarnos aos da zona media.Noraboa rapaces!!!
si señor,peaso de cronica!! cando te arrancas,mima!!! si señor unha actitude moi boa de equipo,facia falta coller confianza de novo
por certo soplaronme que o noso porteiro,se quere marchar a veteranos pa retirarse dentro de pouco(cousa que non me estralla)por outra parte,jeje!!! partido homenaje e churrascada sin falta(se queredes)
Publicar un comentario