Asuntos varios

Primeiro, felicidades aos infantís pola súa cuarta victoria da tempada, ademais con goleada despois de remontar. No descanso perdían por 1-2 co Pontecesures, e acabaron vencendo por 6-2, con catro goles de Jonathan. Así, e a falta de catro partidos para o remate da liga, aseguraron prácticamente o oitavo posto (hai dez equipos trala retirada do Dodro) e están a catro puntos do Bertamiráns. Teñen moito mérito estes cativos. Os xuvenís volveron perder, desta vez co Milladoiro que vai de terceiro por un gol a tres. Están décimos, é dicir, penúltimos, a sete puntos do Cordeiro e con catro máis que o Escravitude, que vai de último. Quédanlles dous ou tres partidos. A ver se poden gañar algún máis que equipo teñen para vencer a calquera.
Doutra banda, xa rematou a enquisa sobre os equipos que ascenderán, que deu como gañador ao Ortoño con 5 votos, por diante do Sigüeiro e o Montaos con catro, a Luaña, tres e o Trazo, un. A verdade é que o Ortoño vai perdendo fuelle, como non lle gane á Luaña a vindeira semana, dáme a min que non van celebrar nada. En breve poderedes votar noutra nova enquisa. Ala, que vos vaia ben!!!!