Victoria traballada do Ames na Sionlla (1-2)

O Ames levouse os tres puntos da Sionlla nun partido moi desputado e marcado polas expulsións. O Ames comezou medianamente ben, cun par de balóns largos que apenas inquietaron á zaga local. A Sionlla tamén tanteou á zaga do Ames, que despexou sen problemas. Tralo tanteo inicial de ambos conxuntos, a Sionlla fíxose dono do medio campo e comezou a desbordar á zaga e ó medio do Ames., con toques rápidos no medio, conduccións habilidosas e aperturas á banda con centros que crearon moito perigo. Así chegou o primeiro gol, nun bo cabezazo do dianteiro local tras centro desde a banda. Tralo gol, o Ames estivo cinco minutos desorientado, pero pouco a pouco adiantou as liñas e creou a ocasión máis clara do encontro. Diego roubou un balón no medio do campo, conduciu uns metros e centrou para que Nito cabecease o esférico cara meta, pero o remate saíu lambendo o longueiro. A ocasión animou ao Ames, que volveu crear perigo en tres accións a balón parado. Miki reclamou penalti tras lanzar unha falta e ser repelida pola barreira posiblemente coa man. A Sionlla quedou con dez xogadores trala expulsión do seu central, cando Nito se dispoñía a entrar só na área. Na reanudación, o Ames saíu coa intención de empatar pronto, pero antes tivo que solventar cinco minutos de saques de banda e un par de córners da Sionlla. Coa entrada de Pose, o Ames fíxose dono do medio do campo e comezaron a chegar as ocasións. O empate chegou pronto, tras pase longo de Iván a Miki, este centrou atrás e Juansiño axustou un tiro potente polo primeiro pao. Despois, nunha boa combinación no medio, Pose centrou atrás e Nito estivo a piques de marcar. Co empate, o Ames respirou un pouco e o Sionlla chegou un par de veces sen demasiado perigo. Co aire renovado, chegou o segundo gol. Outro rexeite na área foi aproveitado por Don Nito, que colocando o balón na escuadra, fixo inútil a estirada do porteiro local, que rozou o esférico sen poder evitar o gol. Os agobios chegaron nos últimos dez minutos, cando Fuentes viu o cartón vermello tras derribar ao atacante local cando ía entrar na área. Juansiño púxose de porteiro, e atallou seguro a falta lanzada polo dianteiro da Sionlla. O equipo local colgou balóns á area do Ames, ben cerrado atrás. O partido puido acabar en empate, pero novamente Juansiño desviou a córner un disparo cruzado dentro da área. Ao final, victoria axustada que aúpa ao Ames á sétima praza.