Derrota do Ames en Ordes nun partido intenso e igualado (2-1)

O sábado o Ames desprazouse ata Ordes nunha das saídas máis difíciles da temporada. O Ames saíu moi concentrado, tocando ben e ordeado atrás. Pose, Miki e Roi combinaron ben entre eles, e o equipo amosouse seguro atrás. O Ames adiantouse no marcador preto da metade do primeiro tempo, nunha falta sacada por Miki con rosca ao segundo pao, na que o porteiro se despistou e tocou o balón ao tempo que daba no longueiro, chegando Diego só e cabeceando ás mallas sen oposición. Tralo gol, o Vila de Ordes pouco a pouco fíxose co esférico e agobiou ao Ames cara o final do primeiro tempo. O conxunto visitante defendeuse ben, e o Ordes apenas tivo ocasións, tivo o balón pero sen crear apenas perigo. Polo Ames, un cambio de xogo de Miki deixou só a Moncho escorado na marxe esquerda da área, pero o seu disparo foi rexeitado a córner por un defensor local. Polo Vila de Ordes tan só reseñar un disparo lonxano que Juan atallou sen problemas. Na reanudación, o Ames saíu menos ordenado, o que o Vila de Ordes aproveitou para meter presión, e en dez minmutos tolos deulle a volta ao encontro. O primeiro gol foi unha gran contra que rematou cun pase atrás desde o costado dereito do ataque local e remate a porta vacía no segundo pao. Pouco despois, o Vila de Ordes puxo o dous a un gracias a un disparo lonxano que tras facer un estrano na súa traxectoria, Juan non acertou a rexeitar. Co resultado adverso e a entrada de Nito e Juansiño, o Ames empuxou de novo buscando o empate. O Vila de Ordes tan só trenzou algunha contra, pero ningunha acabou con remate a porta. Polo Ames o perigo chegou principalmente a balón parado. Miki colgou varias faltas con potencia cara o medio da portería, tentando crear inseguridade no porteiro local. Nunha delas, puido chegar o empate nos minutos de desconto. O balón pechouse moito e caendo, Diego rozouno ante a saída do porteiro, e tralo choque entre ambos, o balón saíu repelido cara a portería, pero o gardamallas puido reaccionar e atalla-lo xusto antes de que pasase a liña de gol. Ao final, derrota que semella excesiva ante o exposto por ambas escuadras (tiña que ser un empate!!!).