Primeira derrota na casa ante un Costoia que obtivo demasiado premio (1-3)

O Ames colleitou a primeira derrota da temporada na casa nun encontro frouxo no que, pese aos erros nas xogadas dos goles visitantes, mereceu gañar ou cando menos empatar. Pero a fortuna non estivo co Ames desta volta, xa que por dúas veces o longueiro repeliu outros tantos disparos, e mesmo houbo outras catro ou cinco ocasións claras para darlle a volta ao marcador. O partido comezou mal, cun gol do Costoia na primeira xogada. Un centro desde a esquerda non puido ser despexado por Pi, xa que un mal bote nun terreo irregular deixou só a un atacante visitante. O seu remate foi despexado con moitos reflexos por Fuentes, pero o rexeite foi empurrado ás mallas poor outro ariete. Co un a cero, o Ames púxose un pouco nervioso, pero pronto se fixo dono do esférico e do encontro. Foron chegando as ocasións en vinte minutos, desde o quince ata o trinta e cinco, de auténtico asedio local. Miki lanzou un gran dsparo desde a frontal que deu no longueiro, pero ninguén acertou a remachar o rexeite. O Ames encadeou catro córners consecutivos. Nun deles Fran controlou co peito e o seu disparo foi rexeitado in extremis por un defensor. Tamén Fran, na mesma secuencia de saques de esquina, enganchou un bo remate en semitijereta que despexou novamente o porteiro a córner. Llello entrou ben desde a esquerda tras un pase de Miki e o seu disparo, ante a saída do porteiro visitante, rozou o poste. Tamén Llello e Nito levaron perigo en dúas internadas pola banda que, ou ben non atoparon rematador, ou ben atallou o porteiro. Os últimos minutos da primeira parte non tiveron dono. na reanudación, o Ames intentou levar a iniciativa, aínda que con certa espesura. Tivo que chegar o segundo gol do Costoia, para poñer o acelerador, con vinte e poucos minutos por diante. Diego intercambiou posición con Fran no medio e Coleguín entrou na banda dereita. E novamente chegou unha oleada de ocasións. Na súa primeira acción, Coleguín gañoulle o salto ao seu par e o seu remate de cabeza saíu lambendo a cruceta. Noutra acción, Diego centrou desde a esquerda e novamente Coleguín cabeceou de maravilla, pero o porteiro tocou o balón, que se foi o longueiro e de aí aos pés de Nito, que rematou apurado polos defensas e sen éxito. Diego cabeceou un centro de Miki desde a esquerda algo desviado, pero deu nun defensor e a piques estivo de colarse na meta do Costoia. Polo bando visitante apenas houbo ocasións máis que os goles, aínda que pareza incríble tiveron case un 100% de efectividade. Chegaban á contra, pero non alcanzaban a rematar. E nese ir e vir de ocasións do Ames, unha contra do Costoia sí tivo remate e o seu conseguinte gol. Co 0-3 o equipo local intentou reducir distancias, e conseguiuno Nito en posición dubidosa. Antes, o porteiro rexeitara a bocajarro outro remate do noso ariete, que por certo suma xa sete dianas. Ao final, Casal expulsado xunto con dous xogadores do Costoia. A seguir traballando para reparar este pequeno accidente!!!