Excesivo premio para o Agrón na súa visita a Ames (1-5)

O Ames caeu derrotado en Castiñeiro ante o Agrón, un dos favoritos ao ascenso, que comparte liderato co Vila de Ordes. Con todo, o conxunto visitante, que foi superior ao Ames, levouse demasiado premio en forma de goles, rentabilizando ao máximo os erros dos locais. Na primeira metade, o Agrón anotou os seus tres primeiros tantos en accións a balón parado. O Ames puxo o xogo, e o Agrón, os goles. Erros de marca derivaron nunha goleada excesiva para os de Balboa, que na segunda parte reduciron distancias cun gol de Fran de penalti, despois de que o Agrón anotase o cuarto. A puntilla chegou pouco despois, deixando ao Ames na novena praza con 6 puntos. A vindeira semana, o conxunto de Balboa vai a Rial, un rival directo. ¡¡Ánimo rapaces, a traballar duro!!