O Ames desperdicia unha ventaxa de dous goles e volve cun punto de Rial (2-2)

O Ames visitou a semana pasada o campo do Rial, o vello feudo do Dubra, unha visita sempre complicada e un terreo onde o Ames apenas logrou vencer. Fronte ao Rial, o encontro comezou moi ben, co equipo ben plantado e co dominio do esférico. As ocasións foron chegando e Nito foi o primeiro en acertar co gol. Unha falta directa ben colocadiña pola escuadra e lanzada con precisión por riba da barreira do Rial puxo o 0-1 no marcador. Héctor tería dúas ocasións para poñer o segundo a favor do Ames, pero en sendas picadas por riba do porteiro non estivo acertado. Sí atinou cando tras un mal rexeite do gardamallas locais, o esférico acabou preto del e anotou coa porta baleira. Co 0-2 chegouse ao descanso, con dominio visitante tanto no xogo coma no tanteo. Co paso dos minutos, o Rial apretou e meteu outro dianteiro, para xogar directo e pouco a pouco ir metendo ao Ames na súa área. O 1 a 2 chegou tras unha falta por man involuntaria de Miki na frontal da área. O 2-2, tras un penalti moi riguroso sinalado polo colexiado, o que deixou o resultado final nunhas tablas non moi xustas polo exposto no campo. O positivo, que o Ames, trala derrota en casa co Agrón, volve pola boa senda. A vindeira semana, descanso con motivo da ponte da Constitución e o día 12, partido en Castiñeiro fronte ao Vila de Ordes.