Victoria cómoda e insulsa do Ames contra o San Marcos B (3-0)

O Ames levou os tres puntos nun partido soso, sin historia e sen demasiada intensidade nin bo xogo. Desde o principio o Ames levou a batuta, salvo nun par de xogadas de despiste que non levaron perigo para a meta de Fuentes. A verdade é que o partido pódese resumir no seguinte: o Ames levando un perigo desorganizado en ataque, e deféndendose poñendo o xusto en defensa. Así chegou o primeiro gol, aos quince minutos aproximadamente, nunha xogada ben trenzada pola banda, na que Juansiño puxo un bo centro para que Pose cabecease ao fondo das mallas. Polo San Marcos B só houbo unha chegada, que Fuentes desviou seguro a córner. O Ames levou a cabo unha gran xogada combinativa entrando pola esquerda, semellante á do gol pero con máis xogadores entrando en xogo, que finalizou cun centro de Juansiño e cun remate de cabeza de Llello que saíu rozando o longueiro da meta rival. Outra das xogadas perigosas da primeira metade veu dunha falta botada por Miguel desde o lado esquerdo, que Roi cabeceu ben buscando a segunda xogada, á cal non chegou Diego. O primeiro tempo rematou co segundo gol do Ames. Miki, facendo unha diagonal desde o lado esquerdo cara o medio, viu moi ben o desmarque de Llello na esquerda, e lanzou un pase "a lo Laudrup" que o "ariete" finalizou ben e raso polo primeiro pao. Trala reanudación, o Ames saíu durmido e relaxado, contaxiado da apatía do rival. Con todo, o San Marcos B non chegou con perigo, tan só nunha xogada cun gol anulado en claro fóra de xogo. O Ames seguiu cun ataque deslabazado e con despistes atrás. En ataque, sobre todo creouse perigo a balón parado, cun remate de bolea Diego (calcado a un de Chete na primeira metade), que saíu por riba do longueiro. Pose puxo a nota acrobática do partido, ao rematar de tixereta ante o porteiro un centro desde a esquerda, pero o balón saíu novamente lambendo o travesaño. Preto do remate do encontro, unha man clara na área visitante con empurrón engadido derivou nun penalti. Diego lanzou e marcou con apuros, xa que o porteiro chegou a tocar o balón, pero a potencia do lanzamento evitou que puidese para-lo. Ao final, tres a cero pero pudieron ser cinco ou seis. Estamos sétimos, empatados co Deixebre, o noso próximo rival, e co Rial.