O blog do Ames estrea contido: a Liga Fantástica!!!

Para facer máis animado o blog durante a semana, ademais das enquisas, imos comezar a puntuar aos xogadores da plantilla segundo rendemento. Para iso, ímonos guiar polo sistema de puntuación da "Fantasy Football Premier League", que é unha especie de Liga Fantástica coma a que fai o diario Marca pero a través de Internet e con mellores baremos de puntuación. Aquí vos desgrano a táboa de puntuacións, e adxunto link para aqueles que lles guste a Premier e queiran facer un equipo e xogar en rede: www.premierleague.com:


Por participar nun partido: 1 punto
Por xogar polo menos 60 minutos: 2 puntos
Por cada gol anotado por un porteiro ou defensa: 6 puntos
Por cada gol anotado por un centrocampista: 5 puntos
Por cada gol anotado por un dianteiro: 4 puntos
Por cada asistencia de gol: 3 puntos
Cada vez que un porteiro e un defensa manteñan a portería a 0, tendo xogado cando menos 60 minutos: 4 puntos
Cada vez que un centrocampista manteña a porta a 0, tendo xogado polo menos 60 minutos: 1 punto
Cada 3 paradas dos porteiros: 1 punto
Por cada penalti parado: 5 puntos
Cada penalti fallado: -2 puntos
Puntuación extra para os 3 mellores xogadores de cada partido: entre 1 e 3 puntos a repartir polos tres mellores.
Por cada 2 goles concedidos polos porteiros e a defensa: -1 punto
Por cada tarxeta amarela: -1 punto
Por cada cartón vermello (sumando ademais, de se-lo caso, o cartón amarelo anterior): -3 puntos
*Se un xogador é expulsado, séguenselle descontando os goles encaixados polo equipo despois da súa expulsión.


Ben, este é o sistema que usan neste xogo de Internet sobre a Premier, nós despois de cada partido imos sumar os puntos positivos e negativos de cada xogador e ir colgando no blog as puntaucións de cada un nese partido, e a clasificación xeral. A ver quen é o mellor xogador da temporada!!!

P.D.: Pode parecer moi lioso, pero non é tanto, póñovos un exemplo: no partido contra o Rois, Juansiño xogou máis de 60 minutos (2 puntos), deu unha asistencia de gol (3 puntos) e marcou outro gol (4 puntos por ser dianteiro), polo que sumaría 9 puntos nesa xornada. E así con cada un!!!!! Ala, ata a noite, vide entrenar!!!!!