Debut ligueiro do Ames con empate en Ortoño (2-2)

O Ames comenzou a liga cun empate sufrido en Ortoño, campo sempre complicado. O primeiro en golpear no derbi foi o Ortoño, gracias a un lanzamento de falta de Koky que sorprendeu a Dani tras facer un estraño no aire. Co marcador en contra aos 5 minutos, o Ames tardou en centrarse no partido, e perdíase en imprecisións e pérdidas de balón froito do nerviosismo. Todo cambiou cando Roi, Pose, Nito e Juansiño comezaron a trenzar xogadas de toque rápido con paredes que enchufaron ao equipo ó partido. O Ortoño apenas inquietou máis en ataque, tan só a balón parado. E o Ames pouco a pouco foi chegando con máis peligro. Nito viu como se lle anulaban un par de arrancadas desde o medio campo por fóra de xogo. Pose tivo a ocasión máis clara do encontro. Nunha magnífica triangulación entre Nito, Roi e Juansiño, o esférico chegou a Pose, que só ante Arturo, lanzou un bo disparo que se foi por alto rozando o longueiro. Por certo que o Ortoño quedouse con dez aos vinte e cinco minutos aproximadamente, cando Bolaño viu a segunda amarela. Ata o descanso, o Ames foi incapaz de empatar, pero deixou sensación de que en calquera momento podería chegar o gol. Na reanudación, o Ames saíu decidido a anotar, e conseguiuno Nito nun magnífico lanzamento de falta. O seu disparo, potente e abaixo, sorprendeu a Arturo, que rozou o esférico pero non puido evitar o empate. Co empate, ambos conxuntos baixaron o ritmo debido ao abafante calor rexistrado na tarde do domingo. Durante uns quince minutos o xogo perdeuse en balonazos sen sentido e mediocampismo caótico. Pouco a pouco o Ames recuperou forzas e trenzou novas triangulacións perigosas ás que se sumaron Miki e Pelícano no costado dereito. E nisto chegou o 2-1 para o Ortoño nun corner que sorprendeu á defensa amiense. O atacante local rematou só ante Dani poñendo por diante aos seus. Con apenas un cuarto de hora por diante, o Ames lanzouse á desesperada a polo empate. Pose acompañou a Nito na dianteira, con Juansiño e Coleguín polas bandas. Atrás entraron Iván e Moncho para darlle aire a unha defensa extenuada. E o gol chegou cando restaban uns cinco minutos para o final. Antes, Pose puido marcar nun remate de cabeza tras un córner, e Miki viu como lle repelían un bo disparo desde a frontal. Tamén Juansiño cruzou demasiado o seu disparo desde a dereita. O dito, o gol chegou novamente desde as botas de Nito, que recolleu un rexeite na área, preto da línea de fondo, e tras un amague, colou o esférico polo primeiro pao. Pese ás reclamacións dos xogadores do Ortoño por un posible fóra de xogo, parece ser que había un defensor a carón de Nito, e outro con Roi no segundo pao. Ao final, empate que deixa ao Ames e ao Ortoño na sexta e sétima praza.