O Ames empata a un gol nun partido no que puido golear

O Calo B arañou un punto do Castro nun encontro no que o Ames levou sempre a iniciativa e no que debeu vencer cómodamente. De feito, o Ames desperdiciou ata catro ocasións clarísimas que lle puideron dar os tres puntos. Desde os primeiros minutos o equipo local, que aínda tardou algo en asentarse, deixou constancia de que ía levar o peso do partido. Tralos compases iniciais de tanteo, o Ames comezou a chegar polas bandas, mentres o Calo se adicaba a dar pelotazos para que Raulito, un tipo máis tonto que pequeno, correse e brazease ata que pediu o cambio ós vinte minutos por un pinchazo. Antes diso, o Ames adiantaouse por mediación de Nito, que tras varios regates na área e combinacións con Che, chegou ante o porteiro, baterón pé con pé con balón por medio, e o noso dianteiro levouse a bola para marcar a placer. A reacción do Calo non se fixo agardar, pronto empataron nunha internada pola banda dereita. O centro atrás atoupou rematador no segundo pao. Empate a un gol e máis ocasións para o Ames. Nito disparou ó lado esquerdo da portería tras enganar ao porteiro, pero o balón saíu rozando o pao. Miki tirou ó longueiro nun barullo na área. Tralo descanso, o Ames saíu decidido a pola victoria. Novamente viñeron os minutos de asentamento, pero pronto o equipo local comezou a facer dano polas bandas, sobre todo coa entrada de Juansiño. Súas foron varias internadas pola esquerda que remataron con centro atrás. Nito tivo un par delas moi claras, principalmente unha case pegado ao pao na que o tiro se lle desviou cara fóra. Roi tamén puido adiantar ao Ames nun remate de cabeza cruzado tras centro de Diego. Posiño, Nito e Juansiño desaproveitaron novas chegadas. Polo Calo B reseñar dous tiros desde fóra da área que saíron por riba da meta de Félix. Por certo, que Félix estivo moi seguro nos tres ou catro balóns largos que o Calo B mandou aos seus dianteiros na segunda metade. Anticipouse sempre con rapidez e seguridade. E así rematou o partido, coa sensación de merecer máis se estivesemos acertados. O sábado, en Touro.