O Ames comeza a Copa en Agrón

A Copa de Ames bota a andar este fin de semana coas eliminatorias de cuartos de final. Debido a que só somos 7 equipos de modestos, unha das eliminatorias só ten un equipo, o Bugallido, que pasa directamente a semifinais xa que aínda ten que xogar a Copa do Sar. En semifinais enfrontaráse ao gañador da eliminatoria entre o Ortoño e o Bertamiráns. A outra semifinal sairá do Costoia-Viduido e do Agrón-Ames. Os cuartos de final son a dobre partido, o 4 e o 11 de abril; as semifinais e a final son a partido único no Municipal de Bertamiráns.
Por certo, esta semana temos dúas enquisas ao mesmo tempo, a gran enquisa do mellor xogador da tempada e á que aínda lle restan varios días; e a nova enquisa sobre o equipo que gañará a Copa de Ames. Seguide votando nas dúas!!

O Ames remata a liga como rei do empate

O Ames non puido acabar a tempada cunha victoria na casa fronte ao Dubra B, que conseguiu o mesmo resultado que no partido de ida, 2-2. O Ames comezou mellor, e pronto se adiantou por mediación de Llello, que empata no pichichi con Diego, ambos con 8 goles. O seu disparo raso cruzado bateu ao porteiro visitante. Pero o Ames non acababa de atoparse cómodo, sobre todo en defensa, coa liña un pouco separada do mediocampo, espazo que aproveitou o Dubra B para facer dano en varios balóns longos. En dous deles chegaron os dous goles visitantes, nunha xogada típica deste equipo. Balón largo á espalda da defensa, dianteiro cativo e rápido que se leva o balón despois do bote, e remate a gol ante a saída do porteiro. 1-2 á media hora, e minutosa de mal xogo para os locais. Na segunda metade, o Ames saíu tocando moito mellor, e chegaron dez minutos de moi bo fútbol do Ames e con bastante ocasións para empatar e incluso levarse o partido. O 2-2 chegou nunha falta desde o lado dereito que Llello dirixiu moi ben á cabeza de Benito, no que supuxo o segundo gol do señor Vieito na liga. A partir de ahí, o Ames intentouno con entradas de Juansiño desde o lado esquerdo e algunha falta de Nito, así como un par de córners sen éxito. Remata unha boa tempada en liga, na que acabamos novenos con 25 puntos, tras 5 victorias, 10 empates e 9 derrotas. Agora a preparar a Copa de Ames.

Horarios desta fin de semana

O equipo de modestos non é o único que competirá esta fin de semana tralo remate das ligas de xuvenís e infantís. Porque, ademais do derradeiro encontro de liga para os máis grandes (domingo, ás 17:00 horas en Cobas contra o Dubra B), os infantís teñen torneo o sábado pola tarde no Campo Municipal de Bertamiráns. Será un triangular de Fútbol-7 contra o Bertamiráns e o Milladoiro, comezando ás 16:00 horas, en partidos de 40 minutos. A ver que tal lles vai, achegádevos a anima-los!!

Nito será o pichichi segundo os votos da última enquisa

Co 27% dos votos emitidos, 6 de 22, Nito será o pichichi en liga do Ames segundo os nosos internautas, para o que tería que anotar 6 goles o domingo contra o Dubra B, ogallá que o faga. detrás del quedaron con 4 votos (18%) o resto das opcións: Miki, Llello, Diego, e o tándem magnífico Che e Casal. Agora xa podedes votar ao que consideredes que está sendo o mellor xogador do equipo durante toda a temporada. Ampliamos o prazo habitual dunha semana para poder votar, tendo nesta gran enquisa 20 días para escoller ao compañeiro que mellor o fixo no presente campionato. Para motivar máis ao persoal, o luns que ven haberá unha nova enquisa e manteremos a que hoxe estreamos para non aburrir a quen xa teña votado. Veña, a votar!!!!

O Ames asegura a novena praza tras golear ao Touro

25ª Xornada 20/04/2008
Descansa	-	-	Costoia
Dubra B	0	3	Trazo
Touro	0	4	AMES Diego(2),Barri,Pose
Calo B	1	1	Deixebre
Tordoia B	2	1	Ortoño
Sigüeiro	0	0	Montaos
Resmón	1	3	Luaña

CLASIFICACIÓN:

Posto	Equipo	Puntos	X	G	E	P	GF	GC
1º	Montaos	50	23	15	5	3	53	17
2º	Sigüeiro	49	23	14	7	2	53	19
3º	Luaña	49	23	15	4	4	61	28
4º	Trazo	44	23	13	5	5	61	24
5º	Ortoño	43	23	13	4	6	52	25
6º	Deixebre	38	23	11	5	7	48	29
7º	Costoia	33	23	9	6	8	59	34
8º	Calo B	32	23	9	5	9	38	40
9º	AMES	24	23	5	9	9	35	45
10º	Dubra B	18	23	4	6	13	25	53
11º	Resmón	16	24	3	7	14	21	48
12º	Tordoia B	10	23	2	4	17	24	66
13º	Touro	10	23	3	1	19	15	120

GOLEADORES CSD AMES:

Diego	8 (3p.)	Manolo	2
Llello	7	Benito	1
Miki	5	Chete	1
Nito	3	Pose	1
Barri	3
Juansiño	2
Coleguín	2

O Ames retorna á victoria cunha goleada ao Touro

O Ames volveu a vencer despois de seis partidos nos que se colleitaron cinco empates e unha derrota. Con esta victoria, a novena praza está asegurada matemáticamente, no que supón a mellor clasificación da nosa recente historia. O partido , que finalizou con 0-4 para o Ames, púxose de cara moi pronto, cando Diego aproveitou un gran centro de Llello e un bo arrastre de Miki no primeiro pao, para picar o balón coa cabeza entre as pernas do porteiro local. Co gol tan tempraneiro, o Ames soltouse un pouco e comezou a tocar ben en defensa e no medio, con bos balóns cara Llello, Barri e Coleguín. Nun rexeite ao borde da área, Barri enganchou unha bolea que deu no poste esquerdo e entrou subindo o cero a dous ao marcador. O Touro, que pese a xogar con nove, realizou boas combinacións na primeira metade, tivo un par de tiros lonxanos e unha falta desde a frontal que rexeitou Félix a córner. A partir dos vintecinco minutos, o Ames incurriu en numerosos fóras de xogo. Barri e Llello puideron marcar o terceiro antes do descanso, pero non acertaron no remate. Na segunda metade, Llello sacou rápido un córner e o remate de Diego foi interceptado coas mans por un defensor do Touro. Penalti que Diego marcou sumando oito goles xa na tempada. Logo, debutaron dous xuvenís, Adrián e Sergio, que xogaron moi bo partido, igual que Pose, autor do cuarto gol. Na segunda metade, o Ames fallou varias ocasións claras. Pose tirou cruzado e foise cerca do pao, e Diego precipitouse nunha diagonal desde a banda colándose por medio da defensa pero disparou ás mans do porteiro. Ao final, victoria por cero a catro, 24 puntos, e novena praza asegurada a falta dun partido para o remate da liga.

O campo de Castiñeiro vence ao de Covas

Xa rematou a enquisa sobre o campo preferido polos xogadores do Ames. Con 18 votos de 26, o campo de Castiñeiro de Lobo venceu sobre o de Covas, que só tivo 8. O clan Ventosa non puido co poder do noso antigo feudo jeje. Por certo, onte á mañá estiven en Castiñeiro e o novo céspede xa ten unha pinta envidiable, tan só falta rapalo un pouquiño, e claro, arranxar os vestiarios. Queda pouco para voltar alí!!! E xa está en liza a nova enquisa, así que, a votar!!

Quinto empate consecutivo do Ames

24ª Xornada 13/04/2008
Costoia	1	1	Dubra B
Trazo	7	0	Touro
AMES Nito	1	1	Calo B
Deixebre	2	0	Tordoia B
Ortoño	1	2	Sigüeiro
Montaos	4	0	Resmón
Luaña	-	-	Descansa

CLASIFICACIÓN:

Posto	Equipo	Puntos	X	G	E	P	GF	GC
1º	Montaos	49	22	15	4	3	53	17
2º	Sigüeiro	48	22	14	6	2	53	19
3º	Luaña	46	22	14	4	4	58	27
4º	Ortoño	43	22	13	4	5	51	23
5º	Trazo	41	22	12	5	5	58	24
6º	Deixebre	37	22	11	4	7	47	28
7º	Costoia	33	23	9	6	8	59	34
8º	Calo B	31	22	9	4	9	37	39
9º	AMES	21	22	4	9	9	31	45
10º	Dubra B	18	22	4	6	12	25	50
11º	Resmón	16	23	3	7	13	20	45
12º	Touro	10	22	3	1	18	15	116
13º	Tordoia B	7	22	1	4	17	22	65

GOLEADORES CSD AMES:

Llello	7	Barri	2
Diego	6 (2p.)	Benito	1
Miki	5	Chete	1
Nito	3
Manolo	2
Juansiño	2
Coleguín	2