Bo Nadal e Feliz 2009 a tódolos seguidores deste blog

Chegan as festas do Nadal e desde esedeames.blogspot.com queremos darvos as gracias a todos os que nos visitades e deixades comentarios ou achegades fotografías, suxestións, críticas, felicitacións... por acompañarnos no noso día a día. A todos vós, MOITAS FELICIDADES, E QUE O ANO 2009 VOS TRAIA O MELLOR!!! Agora que estamos a piques de cumprir un ano de vida (o 22 de xaneiro de 2008 publicamos a primeira entrada), pronto tocará facer balance. Como adianto, tres enquisas para que non esteades aburridos neste Nadal con menos fútbol. Saúdos!!!!

Derrota demasiado abultada en Brión (5-1)

O Ames visitou Brión pretiño do Nadal co obxectivo de sorprender no seu feudo ao segundo clasificado na liga. Nada máis lonxe da realidade xa que o Ames saíu goleado, iso si, estando en inferioridade numérica durante máis de sesenta minutos, tempo no que mereceu empatar antes de que se decantase o encontro na recta final. O Brión comezou mellor, co Ames presionando sen demasiada orde e sen harmonía entre as liñas, o que abriu ocos nas bandas. Os visitantes apenas tiñan o esférico, e o Brión empuxaba sen chegar. Ata a xogada do primeiro gol, que chegou nunha boa triangulación pola banda dereita do ataque local, con pase da morte que o dianteiro brionés anotou case a pracer. Co gol en contra, o Ames intentou tocar no medio e abrir o xogo ás bandas, con moitas dificultades. Nunha perda chegou unha contra local, que deixou a un dos dianteiros enfilando meta, e Fran, na frontal da área derrubouno, interpretando o colexiado que estaba dentro da área. Penalti e expulsión. Co dous a cero e con dez xogadores aos vinte e cinco minutos, o Ames afrontaba unha tarea difícil. Con todo, cun home menos o equipo visitante axustou mellor as liñas con Nito de central, e tivo máis o esférico, creando perigo a balón parado e con algunha que outra chegada polas bandas. Llello puido reducir distancias cun gran disparo á cepa do poste, pero o porteiro local desviou a córner. Nito fixo unha boa internada desde a defensa regateando a varios contrarios pero o pase interior saíu longo e atallouno o gardamallas brionés. O Brión puido marcar o terceiro nun par de ocasións, pero non estivo acertado. Na reanudación, o Ames saíu decidido a recortar distancias, con Miki de central e Nito no medio do campo, e coa entrada de Pose e Coleguín. Pouco a pouco comezou a ter o balón e a ter máis presencia en ataque, poñendo dos nervos ao conxunto local. Foron sen dúbida os mellores minutos dos amienses. Coleguín mandou un tiro ao longueiro, Llello intentou o remate pese a que lle fixeron penalti, e Diego non puido rematar por pouco e a bocajarro un centro de Pose desde a banda esquerda. Noutra xogada, Diego habilitou a Nito cun pase a lo Laudrup, pero o porteiro tocou antes o esférico que o dianteiro amiense, impedíndolle o remate. Co Ames volcado, chegou o terceiro gol do Brión, que aproveitou os espacios nunha contra finalizada cun remate dentro da área. Co partido medio sentenciado, o Ames seguiuno intentando. Diego case sorprende ao porteiro local nunha falta desde o lateral do medio campo, e Nito e Llello tiveron varias chegadas e triangulacións sen éxito. O Brión anotou o cuarto e quinto goles á contra, un deles en fóra de xogo, e outro anotado por Diego en propia meta querendo despexar. O gol da honra para o Ames anotouno Diego, tras centro de Coleguín desde a dereita, que Llello toca de cara para o central amiense, que bateu por raso ao cancerbeiro local. O encontro tivo numerosas interrupcións polo xogo bronco de ambas escuadras, co Ames impotente ao non saír as cousas, e cun Brión chulesco, como se a posición na táboa o eximise de levar patadas coma os demais. En fin...

O Ames descólgase da zona media a falta dunha xornada para o remate da primeira volta

16ª Xornada 21/12/2008
Luaña	-	-	Descansa
Sionlla	1	0	Costoia
Vila de Ordes	2	0	Bertamiráns B
Calo B	2	1	Resmón
Tordoia B	2	2	Deixebre
Descansa (T)	-	-	San Marcos B
Brión	5	1	AMES Diego
Trazo	1	2	Dubra B
Ortoño	3	1	Rial

CLASIFICACIÓN:

Posto	Equipo	Puntos	X	G	E	P	GF	GC
1º	Dubra B	40	14	13	1	0	45	12
2º	Brión	35	14	11	2	1	38	16
3º	Vila de Ordes	30	14	9	3	2	23	9
4º	Deixebre	30	15	9	3	3	32	18
5º	Calo B	25	14	8	1	5	31	18
6º	Bertamiráns B	24	14	7	3	4	28	20
7º	Ortoño	23	14	6	5	3	23	15
8º	Trazo	22	14	7	1	6	29	23
9º	Luaña	19	13	6	1	6	28	28
10º	AMES	17	14	5	2	7	22	26
11º	Rial	14	15	4	2	9	19	31
12º	Resmón	12	13	4	0	9	17	28
13º	Tordoia B	12	14	3	3	8	18	32
14º	Sionlla	11	14	3	2	9	29	27
15º	San Marcos B	4	14	1	1	12	10	60
16º	Costoia	3	14	1	0	13	17	46

Os internautas destacan a posición na táboa e as victorias a domicilio

A última enquisa do noso blog, referida ao que máis valoran os seguidores e compañeiros do primeiro tercio da temporada, deixou como vencedoras as opcións "a posición na táboa" e "as victorias a domicilio, con 4 votos cada unha, dos 13 emitidos. Así quedou:

1º A posición na táboa 4 votos (30%)
1ºAs victorias a domicilio 4 votos (30%)
3º Os goles de Nito 2 votos (15%)
4º Os poucos goles encaixados 1 voto (7%)
4º O bo ambiente do equipo 1 voto (7%)
4º Os puntos da casa 1 voto (7%)

En breves momentos teredes unha nova enquisa. Ata a noite.

O Ames baixa ata o décimo posto trala xornada de descanso

15ª Xornada 13/12/2008
Costoia	1	6	Luaña
Bertamiráns B	4	2	Sionlla
Resmón	3	2	Vila de Ordes
Deixebre	2	0	Calo B
San Marcos B	1	1	Tordoia B
AMES	-	-	Descansa (T)
Dubra B	3	2	Brión
Rial	0	4	Trazo
Descansa	-	-	Ortoño

CLASIFICACIÓN:

Posto	Equipo	Puntos	X	G	E	P	GF	GC
1º	Dubra B	37	13	12	1	0	43	11
2º	Brión	32	13	10	2	1	33	15
3º	Deixebre	29	14	9	2	3	30	16
4º	Vila de Ordes	27	13	8	3	2	21	9
5º	Bertamiráns B	24	13	7	3	3	28	18
6º	Calo B	22	13	7	1	5	29	17
7º	Trazo	22	13	7	1	5	28	21
8º	Ortoño	20	13	5	5	3	20	14
9º	Luaña	19	13	6	1	6	28	28
10º	AMES	17	13	5	2	6	21	21
11º	Rial	14	14	4	2	8	18	28
12º	Resmón	12	12	4	0	8	16	26
13º	Tordoia B	11	13	3	2	8	16	30
14º	Sionlla	8	13	2	2	9	28	27
15º	San Marcos B	4	14	1	1	12	10	60
16º	Costoia	3	13	1	0	12	17	45