O Ames empata co Resmón e aguanta a novena posición

21ª Xornada 09/03/2008
Descansa	-	-	Touro
Calo B	1	3	Dubra B
Tordoia B	1	1	Costoia
Sigüeiro	2	0	Trazo
Resmón	0	0	AMES
Luaña	2	1	Deixebre
Montaos	2	0	Ortoño

CLASIFICACIÓN:

Posto	Equipo	Puntos	X	G	E	P	GF	GC
1º	Luaña	45	20	14	3	3	56	23
2º	Sigüeiro	41	19	12	5	2	49	17
3º	Montaos	40	19	12	4	3	47	17
4º	Ortoño	39	19	12	3	4	46	19
5º	Trazo	34	18	10	4	4	45	18
6º	Deixebre	31	19	9	4	6	39	25
7º	Costoia	29	20	8	5	7	51	32
8º	Calo B	26	19	8	2	9	35	38
9º	AMES	18	19	4	6	9	30	44
10º	Resmón	16	20	3	7	10	19	34
11º	Dubra B	14	20	3	5	12	19	49
12º	Touro	10	19	3	1	15	15	97
13º	Tordoia B	6	19	1	3	15	20	58

GOLEADORES CSD AMES:

Llello	7	Nito	2
Diego	6 (2p.)	Benito	1
Miki	5	Chete	1
Barri	2
Manolo	2
Juansiño	2
Coleguín	2

Empate a ceros ante o Resmón nun partido soso

O Ames aguanta a novena praza nun partido frouxo ante o Resmón que sen embargo mereceu ganar sobre todo polo exposto na primeira metade. Desde o principio o Ames levou a iniciativa metendo ao Resmón súa área con boas combinacións entre Roi, Miki e Nito, e con Coleguín chegando ben desde a banda dereita. A primeira ocasión tívoa Diego nun córner que cabeceou buscando a segunda xogada cara Roi, que se atopou co balón moi baixo e difícil de rematar. O Ames seguiu dominando pero faltoulle remate a gol. Tan só puideron anotar Diego nunha falta e Roi e Coleguín nunha xogada dentro da área chea de rechaces que finalmente cortou o árbitro por man a favor do Resmón. Na segunda metade o Resmón adiantou un pouquiño as liñas e impúxose no medio do campo, con algunha chegada que inquietou a meta defendida polo debutante Félix. Este rexeitou a xogada máis clara para os locais, nunha internada do extremo esquerdo que tirou abaixo coa punteira, sacando ben Félix cos pés. Logo, o Resmón tivo outra clarísima, pero o atacante local, só dentro da área e en posición dubidosa, precipitouse e disparou coa perna mala lonxe da meta do Ames. A partir dos cambios, o conxunto visitante mellorou e subiu as liñas, con boas internadas de Juansiño pola esquerda. O Ames puido anotar en varias xogadas a balón parado, coma unha falta de Miki que sacou o porteiro preto da escuadra adornándose de máis. A cousa acabou en empate, novenos unha semana máis.

Horarios dos partidos desta fin de semana

Esta fin de semana temos partidos nas tres categorías. O sábado os xuvenís xogan na casa, no campo do Castro (Covas), contra o Milladoiro ás catro e media. Tamén o sábado os infantís xogan en Covas contra o Pontecesures ás once da mañá. E os afeccionados imos o domingo a Trazo a xogar contra o Resmón, ás 16:30, partido importantísimo. Por certo (afeccionados), xa se sabe a decisión do Comité de Competición con respecto aos encontros suspendidos: Resmón-Touro e Trazo-Montaos. O Resmón ten tres puntos máis (15 en total), porque o Touro non se presentou, así que lle dan o partido gañado por 3-0. Agora témolos detrás nosa, a dous puntos. E o Trazo-Montaos xogaráse próximamente, porque non se chegou a desputar por enfermidade de gran parte da plantilla do Montaos. Iso é todo, a entrenar todos!!!

Xa podedes ver as fotos do Ames

Como podedes ver, no lado dereito do blog colguei unha presentación de fotos dos partidos co Costoia e coa Luaña. Se queredes ver as fotos máis grandes, clickades en calquera delas e ábrese unha pestaña nova que vos leva a unha presentación máis espectacular!! De todas formas se non tedes tanto tempo, se lle dades ao signo máis (+), a transición entre as fotos vai máis rápida!!! Tamén podedes ver os magníficos comentarios que acompañan a cada imaxe poñendo o rato enriba dela. Ala, o seguinte serán vídeos do ano pasado, pero con tempo que o das fotos deume bastante choio ata que lle pillei o truco!!! Veña, seguide así que o blog estáse animando!!!!

Derrotas dos equipos de xuvenís e infantís

Xa era hora de que lle prestáramos atención ás categorías inferiores do Ames, que esta tempada pois están sufrindo o cambio de categoría. Os xuvenís, que pese a iren de penúltimos teñen un equipo xeitoso (pero vago), deron imaxe de equipo na súa derrota en Dodro (3-0). Comezaron mal, cun gol na primeira xogada, pero aguantaron o resultado ata o final con ocasión para empatar. A cousa torceuse ao final coa expulsión de Félix e o Dodro rematou o partido con dous goles pasado o minuto oitenta. Máis clara foi a derrota dos infantís ante un rival da zona alta, o Milladoiro (14-0). Hai que comentar que os rapaces son case todos alevíns, e incluso hai algún benxamín, polo que as diferencias cos equipos rivais son enormes. Pese a todo, teñen dous equipos por detrás. Por certo, este domingo xogan cun deles en Covas, contra o Pontecesures, así que hai que ir anima-los a ver se suman a cuarta victoria da tempada. Os xuvenís xogan tamén na casa contra o Milladoiro. A ver que tal...

O Ames empata co líder nun partido que mereceu vencer

20ª Xornada 02/03/2008
Touro	1	3	Calo B
Dubra B	3	1	Tordoia B
Costoia	1	4	Sigüeiro
Trazo	2	0	Resmón
AMES Diego (p.), Nito	2	2	Luaña
Deixebre	0	2	Montaos
Ortoño	-	-	Descansa

CLASIFICACIÓN:

Posto	Equipo	Puntos	X	G	E	P	GF	GC
1º	Luaña	42	19	13	3	3	54	22
2º	Ortoño	39	18	12	3	3	46	17
3º	Sigüeiro	38	18	11	5	2	47	17
4º	Montaos	37	18	11	4	3	45	17
5º	Trazo	34	17	10	4	3	45	16
6º	Deixebre	31	18	9	4	5	38	23
7º	Costoia	28	19	8	4	7	50	31
8º	Calo B	26	18	8	2	8	34	35
9º	AMES	17	18	4	5	9	30	44
10º	Resmón	12	18	2	6	10	16	34
11º	Dubra B	11	19	2	5	12	16	48
12º	Touro	10	18	3	1	14	15	94
13º	Tordoia B	5	18	1	2	15	19	57

GOLEADORES CSD AMES:

Llello	7	Nito	2
Diego	6 (2p.)	Benito	1
Miki	5	Chete	1
Barri	2
Manolo	2
Juansiño	2
Coleguín	2

O Ames empata un 0-2 ante o líder e está a piques de vencer

Gran partido do Ames ante o líder Luaña, que non fixo méritos para sacar un punto e que se relaxou cando tomou vantaxe. O partido comezou equilibrado pero coa Luaña un pouquiño mellor situada no campo, gañanado case tódolos balóns no medio do campo. O Ames estaba correcto, pero faltáballe un pouco de garra. A cousa ía tranquila, pero nunha das chegadas da Luaña, Juansiño intentou atrapar o balón antes de que saíse pola liña de fondo, con tan mala sorte que se lle escapou deixandoo nos pés do atacante visitante. Este centrou cara atrás e un compañeiro seu marcou despois dun par de amagues. O Ames quedou un pouco desconcertado, e nunha falta ao borde da área chegou o cero a dous en vinte minutos. Ante tal panorama, o Ames adiantou un pocuo as liñas e comezou a gañar máis balóns no mediocampo, trenzou algunhas combinacións boas polas bandas e chegaron as oportunidades. Nunha delas, Coleguín controlou co peito un balón na esquina dereita da área, e cando ía tirar ao borde da área pequena, foi derrubado. Penalti que se encargou de transformar Diego reducindo distancias. O empate puido chegar antes do descanso, cando Miki colgou unha falta desde a dereita que Nito prolongou no segundo pao, e Fran rematou abaixo, pero o porteiro visitante sacou ben cos pés. Fran tivo outro remate de cabeza nun córner que saíu algo desviado. Na segunda metade, a Luaña estivo desaparecida en ataque, e o Ames lanzouse a polo empate. Barri tívoo nos seus pés, pero o seu disparo só, diante do porteiro, saíu por riba do longueiro. A igualada chegou nun rexeite ao borde da área que Nito colocou ben de tiro raso no lado esquerdo da portería. Empate e quince minutos por diante para buscar a victoria. Roi puido cabecear a enésima falta lanzada por Miki desde a dereita, pero rozouna coa coronilla estirándose ao máximo. Houbo máis chegadas e oportunidades para levarse os tres puntos, pero a cousa acabou en empate e coa Luaña dando gracias por non perder. A liga aprétase por riba. O domingo, partido clave co Resmón para asegurar a novena praza.