Cómoda victoria do Ames ante un rival directo na loita pola metade da táboa

O Ames derrotou ao Rial por tres a goles a cero nun dos partidos máis completos da temporada para os locais. O conxunto amiense comenzou o encontro moi serio, ordenado e coa iniciatica do xogo. Pronto comezou a chegar á área rival con pases longos ás costas da defensa do Rial. Nunha desas internadas, Adrián "Peli" íase só cara o interior da área, pero un dos defensores do conxunto visitante zancadilleouno por atrás, sendo expulsado con cartón vermello directo. Con dez o Ames apretou, con perigo nas carreiras de Peli e cunha oportunidade que Miki dispara precipitadamente.

Mediada a primeira metade, chegaría o primeiro gol do Ames. Un novo balón en longo é aproveitado por Miki, que só ante o porteiro e tras dous amagues, marca cun disparo suave e colocado. Pero co un a cero, o Ames relaxouse un pouco e o Rial chegaría á meta de Carba con máis frecuencia. Iso si, Carba apenas tivo que intervir. Só nunha ocasión na que a defensa local dubidou e o balón quedou botando preto da área pequena. Diego e o dianteiro do Rial forcexearon e o esférico quedou morto, ata que Carba o atrapou, non sen antes ser golpeado polo atacante visitante.

Na reanudación, o Ames volveu a saír coas liñas xuntas, de igual modo que o fixera nos primeiros compases do encontro, e fíxose dono do partido. Seguro atrás, xeneroso no medio e incisivo en ataque coa entrada de Neo e Juansiño, o Ames apenas deixaba que o Rial inquietase a Carba. Boas oportunidades foron unha falta lanzada con potencia por Gamarra que repeliu o porteiro con apuros, unha internada de Peli na que o remate lle quedou corto, e un par de balóns colgados por Diego, desde o medio, e Miki, desde o córner.

Pese ao control, o Ames non afianzaba o resultado, e o Rial apareceu de cando en cando unha vez que as forzas dos locais baixaron un pouco. Ata que chegou a mellor xogada do partido. Cool recibiu un balón no lateral esquerdo. Ergueu a cabeza e lanzou un pase con rosca por riba da defensa cara Adrián, que entraba pola súa banda. Na loita co defensa por facerse co balón, Adrián levouse o rexeite. Acomodouno cun toque sutil de cabeza e o balón quedou botando. Ante a saída do porteiro, Adrián picou o balón con suavidade, anotando o gol da tranquilidade para o Ames.

Cuns quince minutos por diante, o Rial intentaríao con balóns en longo e un par de centros desde a banda ben atallados por Carba. Xa na recta final, un córner a favor do Ames derivaría no último gol dos locais. Miki lanzou o córner e o rexeite caeulle novamente na banda. Neo e Diego entraban polo centro, e o porteiro visitante así o percibiu, descoidando algo o primeiro pao. Miki aproveitou esta circunstancia para anotar o tres a cero definitivo. Un resultado que deixa ao Ames na novena posición. O sábado visita a Ordes, un dos candidatos ao ascenso.