Derrota inxusta do Ames no derbi fronte ao Ortoño (1-2)

O Ames prolonga a súa mala racha de resultados coa segunda derrtoa consecutiva no seu campo, desta volta fronte ao Ortoño. O primeiro en avisar foi o Ames, cunha falta desde a frontal da área que Miki lanza rozando a escuadra visitante. Moi pouco despois, un mediocampista ortoñés aproveita un balón que queda botando a tres cuartos de campo para disparar a porta, Fuentes roza o esférico e este da no longueiro, con tan mala sorte que bate na espalda do porteiro amiense e cólase na portería local. Case sen tempo para celebrar o gol, o Ortoño viu como empataba o Ames. Diego despexou con contundencia un balón en longo á dianteira visitante, e habilita a Juansiño, que pica o balón por riba do porteiro, e aproveitando o bote e salvando a carga legal do defensor do Ortoño toca de cabeza establecendo a igualada. Co empate, ambos equipos aséntanse mellor no campo, co Ames ben arroupado atrás e o Ortoño intentando combinar atrás e buscando desplazamentos longos desde o medio cara a dianteira. Nunha desas, o dianteiro visitante quedou só en dirección á portería co esférico a certa distancia, e Diego, con lixeira vantaxe, lanzouse para evitar o lanzamento, tocando antes o balón que o seu opoñente e desviandoo a córner. O colexiado, bastante alonxado da xogada, sinalou un penalti moi dubidoso e protestado polos locais. No lanzamento, Fuentes rozou o disparo, pero o Ortoño adiantouse no marcador. No saque tralo gol, Diego lanzou desde mediocampo, pero o seu disparo foi atallado sen apuros polo meta ortoñés. Antes do descanso, o Ames tivo varios minutos de ataques constantes, cun disparo cruzado de Juansiño que foi a córner, un centro chut de Diego que saíu alto e un remate fallido de Roi por mor do mal estado do lateral esquerdo da área da entrada ao campo. Na reanudación, o xogo do Ortoño limitouse aos saques en longo do porteiro que de vez en cando provocaban algún rexeite sen demasiado perigo, mentres que o Ames chegou á área sobre todo a balón parado e en xogadas illadas froito do empuxe. Miki lanzou en desequilibrio no interior da área e o seu remate saíu dirixido a onde estaba o porteiro. Diego lanzou un libre indirecto que bateu nun defensor, e Coleguín cabeceou un pouco alto un córner só no segundo pao. Esas foron as mellores chegadas do Ames, ante un Ortoño que se adicou a defender en boa parte do segundo tempo. Ao final, demasiado premio para o Ortoño, e continúa a mala racha do Ames. Hai que vencer en Rial e engancharse á zona media de novo!!!!