O Ames araña un punto en Dubra nos últimos minutos

O marcador final de empate a dous goles e o agónico gol de Coleguín na recta final do encontro ante o Dubra B (2-2) fai pensar que o Ames xogou un mal partido e que foi a remolque durante os noventa minutos. Pero non foi así, o Ames mereceu máis e levou a iniciativa en boa parte do encontro. de feito adiantouse ós vinte minutos cunha fermosa xogada entre Miki e Llello. Pero o parón pola lesión do porteiro Fuentes, que finalmente puido continuar, enfriou o partido e o dominio do Ames tornouse en sufrimento. Chegou o empate a finais do primeiro tempo, e na reanudación o Ames parecía adormilado. Pouco a pouco e con algún que outro cambio, o Ames encontrou o seu sitio de novo e comezou a controlar o partido cun xogo alegre de moitos toques e apoios. O gol non daba chegado, e nunha contra, o Dubra B aproveitou un fallo de Diego no despexe para anotar o dous a un a falta de cinco minutos. O encontro estaba pechado. Evitouno Coleguín rematando no segundo pao unha das últimas embestidas desesperadas do Ames nunha falta moi ben botada por Miki desde a banda dereita. Empate que sabe a derrota. O domingo, derbi ante o Costoia no Campo Municipal de Bertamiráns ás 11:30 horas. A ver que pasa.