Diego, Nito e Llello ocupan o podio da Liga Fantástica 2008-2009

Aquí está a táboa final de puntuación da Primeira Liga Fantástica do Club Sociedade Deportiva Ames, referente á actuación dos nosos xogadores na temporada 2008-2009. Noraboa aos premiados, esta primeira experiencia chega á súa fin, pero visto o éxito acadado continuará na temporada que arranca. A clasificación final amosa dunha maneira bastante fiel a importante aportación de cada un de nós ao longo do curso deportivo. Por certo, no último encontro, contra o Trazo, os mellores foron: o capitán por un día Pi (3 puntos), Juansiño (2 puntos) e Nito (1 punto).

	P30 Trazo	Puntos Totais
Diego	6	127
Nito	6	111
Llello	1	111
Juansiño	0	85
Miki	1	83
Roi	1	64
Iván	1	52
Adrián	2	48
Chete	-	47
Fuentes	0	34
Coleguín	-	34
Pi	4	33
Fran	-	31
Moncho	1	30
Juan	1	29
Cool	-	27
Pose	-	25
Casal	-	23
Che	2	20
Manuel	1	11
Paco	2	11
Marquitos	-	10
Daniel	-	10
Félix V.	-	2
Gonzalo	-	2
Posiño	-	1
Piñeiro	1	1

Contra o Brión, os mellores do partido (por decir algo) foron: Iván (3 puntos), Manuel (2 puntos) e Diego (1 punto), e a táboa quedaba así antes da última xornada:

	P29 Trazo	Puntos Totais
Diego	7	121
Llello	1	110
Nito	2	105
Juansiño	2	85
Miki	-	82
Roi	2	63
Iván	3	51
Chete	-	47
Adrián	1	46
Fuentes	0	34
Coleguín	-	34
Fran	-4	31
Pi	-1	29
Moncho	0	29
Juan	1	28
Cool	-	27
Pose	-	25
Casal	-	23
Che	2	18
Marquitos	-	10
Daniel	-	10
Manuel	2	10
Paco	2	9
Gonzalo	-	2
Félix V.	-	2
Posiño	-	1
Félix A.	-	0

O Ames inicia hoxe os adestramentos de pretemporada

Tras dous meses de vacacións blogueiras aquí estamos de novo informando do inicio da pretemporada hoxe ás 9 da noite no campo de Covas, aínda que o noso feudo este ano será o campo de Castiñeiro, coma nos vellos tempos. Ao longo desta semana iremos retomando a actividade no blog, máis que nada porque aínda temos que pechar o curso pasado, colgando os puntos dos dous últimos partidos da liga. Deste xeito poderemos saber que xogadores foron os mellores en función da nosa Liga Fantástica. O que sí podemos adxuntar é o resultado da última enquisa, que facía referencia aos mellores xogadores da temporada 2008-2009. Así quedou a cousa tras 52 votos emitidos:

1º Diego 12 votos (23%)

2º Fran 9 votos (17%)

3º Llello 6 votos (11%)

4º Iván 5 votos (9%)

5º Nito 4 votos (7%)

5º Coleguín 4 votos (7%)

7º Miki 3 votos (5%)

8º Pi 2 votos (3%)

8º Cool 2 votos (3%)

10º Roi 1 voto (1%)

10º Chete 1 voto (1%)

10º Casal 1 voto (1%)

10º Moncho 1 voto (1%)

10º Pose 1 voto (1%)

Ademais, para animar o retorno aos adestramentos, agardo facerme cunha cámara de fotos coa que retratarnos a todos un por un e ir facendo unhas entrevistiñas de presentación do novo ano, unha idea que xa ven xermolando desde fai tempo ¿que vos parece?...

Os internautas pronosticaron a victoria do Barcelona sobre o Manchester na Champions

Dos 19 votos emitidos na última enquisa do noso blog, a parte da megaenquisa sobre o mellor xogador da temporada, 11 foron para o Barcelona (o 57%), e 8 para o Manchester (42%). En breve agardemos que se reúna o Sanedrín e prepare os puntos das últimas xornadas de liga e elabore o listado final da Liga Fantástica do Ames. Saúdos

O Bertamiráns golea ao Ames no encontro de volta da Copa de Ames (1-6)

Non puido ser, ao final o Bertamiráns impuxo o seu poderío físico (e numérico, xa que o Ames xogou toda a segunda metade con dez) e levouse a eliminatoria de cuartos de final da Copa de Ames cun resultado demasiado abultado. O partido tivo historia ata o minuto 47. O retorno a Castiñeiro do Lobo foi bastante agrio, xa que aos 3 minutos o Bertamiráns marcou nun rexeite dentro da área e puxo a eliminatoria costa arriba. Pero o Ames repúxose e pronto pisou a área rival con chegadas de certo perigo a cargo de Nito e Juansiño. Sobre o minuto 20, Nito lanzou unha falta a unha certa distancia. O lanzamento, potente, deu un bote xusto a carón do porteiro, que rexeitou o esférico. Alí apareceu Adrián para facer a igualada e devolver a ilusión ao Ames. Entretanto, o colexiado co encontro sacou a súa versión máis chulesca e sacou catro amarelas, tres a xogadores locais e unha a un do Bertamiráns, por protestar, cando houbo tres ou catro patadas en ambos bandos que ben merecían a cartulina. O Bertamiráns reclamou un penalti preto do descanso, e Paco tivo que ser sustituído por Moncho xa que o calor lle pasou unha mala pasada. O Ames tivo un par de remates dentro da área que o puideron adiantar, e tamén Fuentes interviu nunha gran parada que salvou ao equipo. Os visitantes terían que ter quedado con dez homes, pero o referee sabía ben o que facía e sacoulle a amarela a outro xogador do Bertamiráns. Todo cambiou na segunda parte. Na primeira acción de ataque visitante o Bertamiráns marcou o segundo, e na xogada seguinte, o árbitro botou a Miki por dobre amarela. O equipo descompúxose con dez, con peor forma física, e desquiciado polas decisión arbitrais, xa que cada acción defensiva do Ames era castigada con falta, distinto raseiro ao utilizado co rival. Chama a atención que veñan a arbitrar dous linieres e un colexiado e que ningún saiba as regras do torneo, ata se amosaron incrédulos cando se lles lembrou (o escrito enviado á Federación xa indicaba esa posibilidade) que podía haber prórroga e penaltis. En fin, que moi mermados pola calor e o baixón físico e mental, o Bertamiráns matou o partido á contra con varios goles nos que ademais estiveron acompañados pola fortuna. Agora a descansar e a preparar a temporada que vén!!