O Ames arranca o ano cunha sufrida victoria ante o Villestro B (2-1)

O Ames comenzou o 2011 conseguindo tres puntos moi valiosos ante un rival directo na zona baixa, o Villestro B, onde xoga o noso antigo compañeiro Adrián Domínguez, que posou para este blog con Fran e con Chete, recordando o seu pasado amiense.

O encontro foi moi igualado, aínda que o que comezou levando a iniciativa foi o conxunto visitante. De feito, adiantouse pronto, cun gol de Héctor Balbona, que driblou a Dani na saída e marcou a pracer nunha contra sobre o minuto 10. Tralo gol, o Ames espertou e comezou a nutrir con balóns a Nito, moi activo en ataque durante todo o partido.

O Villestro B seguí levando moito perigo á contra, pero o Ames pouco a pouco ía chegando con certo perigo á meta visitante. Juansiño tivo unha ocasión clarísima dentro da área, pero o seu lanzamento de primeiras foise alto, lambendo o longueiro.

O premio chegaría sobre o minuto 35, cando un saque de banda desde a banda dereita foi cabeceado por Nito a gol, anticipándose ao seu defensor e ao porteiro rival na súa saída. Así se chegou ao descanso, con moita igualdade e con dominio alterno dos dous equipos.

Na reanudación, o Balboa deu entrada a Miki e a Roi no medio do campo, e o equipo notouno, con minutos moi bos onde apareceu o xogo combinativo e novas ocasións para o Ames. Nito estivo a piques de anticiparse á saída do porteiro tras dous pases medidos de Miki, pero non houbo éxito.

O Ames non foi quen de matar o partido neses 20 minutos de dominio, e o Villestro B sacudiuse un pouco esa presión e fixo un par de chegadas perigosas, que apenas inquietaron a Dani. Tan só reseñar un posible penalti de Fran por unha carga a un atacante dos visitantes. Sí pitou penalti o colexiado na área do Villestro B, tras unha man logo dun remate de Nito.

Héctor, que entrara mediada a segunda parte, encargouse de transformar a pena máxima e darlle ao Ames os primeiros tres puntos do ano, abandonando e penúltima posición en detrimento do Villestro B.