Meritorio empate do Ames ante o líder Chaián nun partido moi serio dos locais (1-1)

O Ames uniuse este domingo ao Osasuna para protagonizar unha das sorpresas da xornada, arañando un empate ante o líder da categoría, o Chaián, que desperdiciou así unha boa oportunidade para distanciarse do Vila de Ordes, que pinchou ante o Agrón, outro dos favoritos ao ascenso. O Ames realizou un partido moi serio, ben colocado atrás, e contendo os balóns en longo do conxunto visitante. O inicio do partido foi máis aberto, e o Ames atopouse co marcador en contra arredor do minuto 15. Un desaxuste defensivo provocou que un dos atacantes lanzase un centro chut que se envenenou e que sorprendeu a Dani, que só puido rozar o esférico. Co 0 a 1, o Ames comezou a controlar o balón e chegar con perigo á área rival, pero houbo que agardar ata o minuto 45 para ver o empate. Un centro de Miki foi rematado en semifallo por Héctor, que colleu o rexeite e bateu cun disparo raso ao porteiro visitante. Na reanudación, o Ames fíxose forte en defensa e aguantou as embestidas directas do Chaián, e mesmo dominou o tramo final do encontro, completando a sorpresa da xornada e vingándose en certo modo da goleada do Chaián no partido da primeira volta.

16ª Xornada 30/01/2011
AMES Héctor	1	1	Chaián
O Xa Chegou	0	10	Tordoia
A Baña			Luaña
DESCANSA	-	-	Villestro B
Trazo	0	0	Resmón
Agrón	1	0	Vila de Ordes
Rial	0	1	Deixebre

CLASIFICACIÓN:

Posto	Equipo	Puntos	X	G	E	P	GF	GC
1º	Chaián	37	15	12	1	2	52	10
2º	Vila de Ordes	35	14	11	2	1	39	6
3º	Tordoia	34	15	11	1	3	43	11
4º	Agrón	32	15	10	2	3	29	14
5º	Luaña	25	14	8	1	5	40	19
6º	Trazo	20	15	5	5	5	24	31
7º	Resmón	16	14	4	4	6	17	24
8º	A Baña	15	14	4	3	7	21	32
9º	Deixebre	15	15	4	3	8	24	29
10º	Villestro B	13	14	3	4	7	25	27
11º	Rial	13	15	3	4	8	18	19
12º	AMES	11	15	2	5	8	21	43
13º	O Xa Chegou	1	15	0	1	14	8	97