O Ames arranca a temporada cunha victoria en Castiñeiro do Lobo ante o Resmón (2-1)

O Ames arrancou os compromisos oficiais da temporada 2009-2010 rompendo a tendencia negativa da pretemporada e confirmando a melloría amosada ante o Bertamiráns B no último amigable. O retorno a Castiñeiro do Lobo, cun día húmido e co campo rápido, beneficiou aos locais, que saíron moi motivados e cun ritmo alto desde o principio. O Ames levou a iniciativa no xogo, con chegadas perigosas a balón parado, cunha falta perigosa de Diego, e sobre todo, coa velocidade de Neo. Precisamente o ariete amiense debutou en encontro oficial con gol. Tras un par de chegadas de aviso, preto da metade do primeiro tempo Miki sacou rápido unha falta lateral, Neo anticipouse ao defensa e cabeceou abaixo. O campo mollado acabou de impulsar o esférico cara dentro das mallas sen que o porteiro visitante o puidese atallar. Case sen tempo de dixerir o primeiro gol do Ames, o Resmón encaixou o segundo tanto. Os locais executaron á perfección unha xogada ensaiada nun saque de esquina. Miki sacou desde o córner esquerdo cara a frontal da área mentres Fran, Nito e o resto dos atacantes arrastraron aos defensas cara a área pequena. Entanto, Diego iniciou o desmarque cara o interior da área co resto, pero a metade de camiño veu cara atrás, rematando a pracer de tiro cruzado raso ao pao longo. A celebración do gol de Diego, que se despedía dos seus compañeiros e da afición, foi moi emotiva, con adicatoria do zurdo a tódolos seus compañeiros. O Ames, coa comodidade do dous a cero, seguiu atacando e Diego puido facer o terceiro tras unha pelexa de Neo co defensor, pero o seu remate foise alto. Tamén Fran e Diego puideron marcar o terceiro tras un córner de Miki, que rozaron. Na segunda metade, o Ames baixou a intensidade, e atacou menos, pero defendeuse das acometidas do Resmón. Con máis balóns en longo, perdeuse toque por ámbolos dous equipos. O Ames apenas sufría coas chegadas do Resmón, pero tampouco se progaba moito en ataque, tan só reseñar un tiro lonxano de Adrián en semivaselina que case sorprende ao gardamallas visitante, e un remate acrobático de Neo tras centro desde a esquerda. O Resmón reduciu distancias a falta duns quince minutos logo dunha segunda xogada nun córner. Ao final apretou e insistiu con balóns longos á área amiense. A defensa local pasou algún apuro máis pero solventou o partido coa primeira victoria e cos primeiros tres puntos no casilleiro. A seguir nesta liña compañeiros!!