Victoria merecida e con remontada do Ames sobre o Ortoño

O Ames venceu por dous goles a un ao Ortoño nun partido intenso e desputado que os locais tiveron que remontar. No primeiro tempo, o dominio repartiuse entre ambas escuadras, primando a forza e a entrega por riba do xogo combinativo. No segundo tempo, o Ortoño adiantouse aos dez minutos, pero o gol fixo que os locais adiantasen as liñas e buscasen a igualada. O empate chegou pronto, nun córner perfectamente botado por Llello que Diego cabeceou de xeito inapelable ao fondo das mallas. O empate deulle forza ao Ames, que anotaría o segundo tanto por medio de Nito e coa axuda dun defensor do Ortoño que desviou a traxectoria do disparo. Dous a un e vinte minutos longos por diante, nos que o Ortoño intentouno sen éxito ante un Ames ordenado e contundente atrás. O xogo dos visitantes na recta final limitouse a bombear balóns desde a defensa para os dianteiros, que se atoparon co bo facer da defensa local. Tan só inquietaron algo a meta de Juansiño con algún saque longo de banda ou algún córner. Nada que a defensa non puidese rexeitar. Victoria importante do Ames tras tres derrotas seguidas.