Bo papel dos xuvenís na fase comarcal da Compostela Cup

O mércores 19 os xuvenís foron a Ferrol a desputar a seguinte fase da Compostela Cup. Fixeron un gran papel ante equipos de superior categoría, entre eles o Rácing de Ferrol de División de Honra. Os resultados foron: Rácing Vilalbés 1-0 Ames, Raio Sadense 1-0 Ames, e Rácing de Ferrol 5-0 Ames. Papel digno e unha grata experiencia destes rapaces de primeiro ano a maioría, non hai esquece-lo, e ante equipos de maior entidade. Destacaron Sergio e Cacha, moi ben en defensa. A seguir mellorando.  

O Ames case remonta en Cures no encontro de volta da Copa do Sar

Foi un partido moi igualado o do Xoves Santo en Cures, non en van o resultado final foi de empate a dous goles, o que lle deu o pase aos de Boiro tralo 1-2 rexistrado en Covas na ida. O Ames levou a iniciativa nos primeiros minutos, e adiantouse por mediación de Barri ao pouco de comezar. O 0-1 cos equipos aínda sen asentar sentoulle peor ao Ames, e o Cures empatou pronto nunha xogada de claro fóra de xogo. O resto do primeiro tempo foi de dominio alterno e sen demasiadas ocasións. Diego e Manolo desaproveitaron un rexeite nunha falta lateral pero os seus controis fóronse lonxe e por último atallou o porteiro. Na segunda metade, o Ames saíu un pouco máis clamado e con mellores intencións, pero o que se adiantou foi o Cures, tras remate de cabeza nun córner. Coa prórroga xa imposible, o Ames necesitaba dous goles e lanzouse a por eles. O empate chegou tras un penalti clamoroso a Juansiño que se foi cara ó lateral e foi derrubado polo porteiro. Diego acertou desde os once metros e abriu as esperanzas con quince minutos por diante. Defensa de tres e ao ataque por un gol que dese o pase. As ocasións foron chegando no medio das contras do Cures, que apenas inquietaron a Félix. Manolo, Miki e Juansiño trenzaron combinacións perigosas, coma a que derivou no penalti. Na recta final, Juan Pose "cativo" intentouno nunha xogada individual, con dous amagues e disparo de fóra da área que bateu nun defensor. Miki tivo a última oportunidade nunha chilena que atallou o porteiro sen apenas dificultades. Resultado de 2-2, boas sensacións, pero agora a pensar na recta final da liga. 

Horarios dos partidos e da Compostela Cup

Mañá en Ferrol os xuvenís xogan a segunda fase da Compostela Cup do Camiño 2008, logo de quedar campións da fase local en Bertamiráns ó derrotar ao Milladoiro e superar en goalaverage ao Val do Ulla. Pois eso, mañá van a Ferrol ben cediño porque ás 10:40 debutan contra o Rácing Vilalbés, logo descansan ata as 12:20, cando lles tocará enfrontarse ao Raio Sadense, para rematar contra o Rácing de Ferrol ás 13:10. Os partidos serán de un tempo de 35 minutos de duración, e xogaránse no campo de herba natural das instalacións deportivas de A Gándara. O campión de grupo desputará a final ás seis da tarde contra o vencedor do outro grupo, no que están o Arzúa, o Residencia, o Burela e o Ánimas. A ver que pasa.
O xoves, os modestos temos o encontro de volta da Copa do Sar en Cures, logo de perder inxustamente por 1-2 en Covas en decembro. Agardamos poder remontar. E nada máis, na fin de semana que vén non hai xornada de ningún dos nosos equipos, polo que teremos o blog un pouquiño máis parado, pero animádevos a votar e algunha cousiña irei poñendo, teño algunha estadística por aí que haberá que cogar!! Alá, vémonos mañá ou o xoves en Cures.

Novo empate do Ames ante un candidato ao ascenso

22ª Xornada 16/03/2008
Dubra B	5	0	Touro
Costoia	0	1	Calo B
Trazo	5	2	Tordoia B
AMES	0	0	Sigüeiro
Deixebre	5	1	Resmón
Ortoño	2	2	Luaña
Montaos	-	-	Descansa

CLASIFICACIÓN:

Posto	Equipo	Puntos	X	G	E	P	GF	GC
1º	Luaña	46	21	14	4	3	58	25
2º	Sigüeiro	42	20	12	6	2	49	17
3º	Ortoño	40	20	12	4	4	48	21
4º	Montaos	40	19	12	4	3	47	17
5º	Trazo	37	19	11	4	4	50	20
6º	Deixebre	34	20	10	4	6	44	26
7º	Costoia	29	21	8	5	8	51	33
8º	Calo B	29	20	9	2	9	36	38
9º	AMES	19	20	4	7	9	30	44
10º	Dubra B	17	21	4	5	12	24	49
11º	Resmón	16	21	3	7	11	20	39
12º	Touro	10	20	3	1	16	15	102
13º	Tordoia B	6	20	1	3	16	22	63

GOLEADORES CSD AMES:

Llello	7	Nito	2
Diego	6 (2p.)	Benito	1
Miki	5	Chete	1
Barri	2
Manolo	2
Juansiño	2
Coleguín	2

O "tío Antonio" vence na enquisa sobre o aficionado máis fiel dos modestos

O tío de Diego e Miki resultou ser o aficionado máis fiel do equipo de modestos tralo remate da segunda enquisa do noso blog. Con seis votos, o "tío Antonio" arrasou por diante da moza de Miki, os pais de Cool e Juan Pose "cativo", que se quedaron en tres votos. En penúltimo lugar quedou a familia de Juansiño con un único voto, e no farolillo vermello o colega de Casal con cero votos. Ando maquinando nunha nova enquisa, a ver que se me ocorre porque non che é nada doado!! Ala, ata dentro dun anaco que porei a clasificación.

O Ames empata sin apuros co Sigüeiro e apreta unha vez máis a zona alta

O Ames estáse convertendo no xuíz dos equipos candidatos ao ascenso. Primeiro a victoria sobre o Ortoño, logo o empate coa Luaña con remontada incluída, e agora un novo empate que apreta aínda máis a cabeza da clasificación. O Sigüeiro renunciou a xogar a pelota e dedicouse todo o partido a colgar balóns e a meter patadóns á área que unha boa defensa do Ames se encargou de despexar sen problema. Cun medio do campo peleón e un gran Roi baténdose o cobre coa defensa visitante, o Ames controlou o partido sen apuros e tivo as súas chegadas para poder levarse o partido. Desde o inicio o equipo rival bombeu balóns fáciles para os defensores, ben colocados e ben dirixidos por un bo Félix mandando desde atrás. Os únicos apuros viñeron nalgunha xogada na que a defensa non deu adiantado as liñas polo excesivo pelotazo do Sigüeiro, pero os seus tiros saíron desviados. Roi tivo unha boa oportunidade para adiantar ao Ames, pero a sua volea ó borde da área saíu preto do primeiro pao. Na segunda metade, os cambios reforzaron o medio do campo do Ames e o Sigüeiro viuse máis apurado. Juansiño puxo en xaque á banda dereita dos visitantes cunha galopada desde a defensa ata a área rival que rematou nun centro perigoso pero sen éxito. Félix sacou co pé nunha gran intervención a única oportunidade clara do Sigüeiro na segunda parte. Empate a ceros, e agora toca remontar na Copa!!!

Horarios dos partidos desta fin de semana

Moi boas!! O sábado entramos na recta final da tempada para as categorías inferiores. Os infantís viaxan a Calo para xogar alí ás once da mañá. Quédanlles tan só tres encontros, a ver se podemos cantar algunha victoria máis dos nosos cativos. Os xuvenís teñen unha boa oportunidade para levarse os tres puntos da Escravitude tamén o sábado (12:00). Na ida perderan por tres a dous despois de ir vencendo 2-0. A eles quédanlles dous partidos nada máis. Xa o domingo, os modestos recibimos ao Sigüeiro, candidato firme ao ascenso, ás 16:30 en Covas. A ver se levo a cámara de fotos e ampliamos o catálogo!! E a ver se o damos todo para conseguir unha nova victoria que a xente estáse animando sobre todo nos partidos da casa. Hai que seguir nesta liña e apretar moito máis que o outro día en Remsón. Ánimo chavales!!!