Os modestos inician este venres a pretemporada

Tralas vacacións de verán, futbolística e bloggerísticamente falando, retomamos actividade cun pouco máis de regularidade a piques de comezar agosto. Entre as novas máis destacables, convén sinalar a menor tasa de alcohol consumida na última churrascada, co cal hai que ser optimistas de cara á vindeira temporada... bromas a parte, este venres 1 de agosto o Ames comeza a pretemporada para o equipo de modestos. A día de hoxe, que eu saiba (xa sabedes que son despistado) e segundo o comentado na xuntanza máis recente, en altas e baixas estamos así:

ALTAS: Marquitos, Pose, Moncho e Adrián (sube de xuvenís)

BAIXAS: David, Barreiro e Benito.

Pois así debemos estar para este venres. En canto ás enquisas, 16 dos 28 votos sobre a Eurocopa vaticinaron que España iría á final, e 5 a semifinais e outros tantos a cuartos de final. A da nosa temporada, tan só houbo 8 votos (nótase que había vacacións), 6 calificárona de aceptable, 1 como moi boa e outro como mala. Aí vai a seguinte, sobre a vindeira temporada que empezará dentro dun mes e pico. A votar de novo!!

Miki, escollido coma o mellor pasador do ano no Ames

Con 6 votos dos 21 emitidos (o 28%), Miki foi escollido coma o xogador do Ames que menos pases falla nos partidos. Despois del, un tal "outros" levou 5 votos, mentres que detrás veñen unha morea de xogadores con 2 votos (o 9% dos votos): Nito, Fran, Diego e Llelo. Cun voto quedaron Casal e Coleguín, mentres que Chete quedouse co casilleiro a cero. Ando maquinando noutra enquisa para manter o voso tempode verán ocupado jeje!! Tedes que desculpar o caos e a deixadez do blog este último mes, pero estievmos baixo mínimos na radio e agora xa estamos máis aliviados. Bueno, que teñades un bo verán, émonos na festa fin de tempada. E MOITA ESPAÑA CAMPEONA!!! JAJAJAJA. Saúdos

Os internautas cren que se debe reforzar mellor a dianteira

Con 11 dos 28 votos emitidos (o 39%), a posición de dianteiro saíu elixida como a que necesita máis reforzos de cara á vindeira tempada. Detrás, a defensa, con 8 votos (28%), o mediocampo con 5 (17%), e por último, a portería, con 4 votos (0 14%). Ala, a desfrutar da Eurocopa, e a aprender moito vendo os partidos!! Enquisa dobre: da Eurocopa e do Ames. Votade!!

Os internautas agradecen o cambio a Castiñeiro para xogar en herba

Cun 55% votos, a opción "prefiro xogar en herba"
impúxose ás demais na enquisa recén finalizada do noso blog. 15 votos de 27, fronte aos 7 votos da opción "vai atraer a máis xente" (25%), e os 5 que opinaban que o equipo se fortalecerá na casa (18%). Moi ben, agardemos que se cumpran as tres!! Votade na nova enquisa, e que ninguén se sinta ofendido se sae máis votada a súa demarcación, todo é mellorable e ven en beneficio de todos!! Só é unha enquisa, isto non vai afectar sobremaneira á planificación da tempada que vén!!

O noso masaxista Víctor Marques, escollido o colaborador preferido dos internautas

Cun 73% dos votos emitidos, ou o que é o mesmo, 14 de 19, Víctor resultou escollido coma o colaborador preferido dos internautas, o noso masaxista, poeta e filósofo do banquillo arrasou nesta enquisa, na que quedaron moi lonxe Antonio (aficionado fiel, con 3 votos), Paco como secretario e Juan Pardo como presidente, ambos cun voto. Xa podedes votar na seguinte enquisa. Saúdos

Agrón e Bertamiráns desputarán a final da Copa de Ames

Desputadas as semifinais do torneo cos seguintes resultados: Agrón 5, Costoia 1; e Bertamiráns 4, Bugallido, 0; a final queda da seguinte maneira: Agrón-Bertamiráns, este próximo domingo no Municipal de Bertamiráns imaxino que ás cinco da tarde.
Por certo, xa superamos as 2.000 entradas no noso blog e as 1.000 visitas de persoas diferentes, mira ti!!! Seguide votando na enquisa que está un pouco apagada!!! Ciao!!

Fran, elixido mellor xogador da tempada; e as tiritas de Cool, a manía máis curiosa

Rematou a megaenquisa sobre o mellor xogador da tempada, con tres protagonistas: Fran, Diego e Llello. Fran quedou primeiro con 29 votos e unha campaña máis potente que a de Obama e Hillary. Diego segundo con 20 votos, e terceiro Llello con 14. Despois quedaron Miki e e David con 7 votos e Roi con 3. Con 2 votos veñen Casal, Chete, Coleguín, Pose e Pi, e cun só voto, Barri, Cool, Iván, Juansiño, Nito, Adrián e Félix "Turito".
E na enquisa sobre a manía máis curiosa, as tiritas de Cool arrasaron con 12 votos, as botas de Llello quedaron segundas con 6, as tobilleras de Fran, terceiras con 4 votos, e o botellín de ciclismo con auga de Félix, cuarto con 2 votos. Ala, votade na nova enquisa!!