O Ames é décimo tras encaixar a primeira derrota na casa fronte ao Chaián (1-4)

O Ames sufriu a súa primera derrota como local nun partido que finalizou cun resultado enganoso para os visitantes. O Ames atopouse ao inicio do encontro co mesmo árbitro que puxera problemas pola hora de inicio ante o Costoia, desta volta chegando tarde ao campo de Castiñeiro. Tras este pequeno retraso, o encontro comezou coma os últimos do Ames, encaixando un gol aos dous minutos. Un balón longo desde a defensa do Chaián despistou aos centrais amienses, quedando o dianteiro visitante só ante Juan, ao que bateu subindo o 0-1 ao marcador. O Ames non se amilanou e comazou a dominar o encontro e a chegar á área rival. Nito puido empatar cun lanzamento de falta raso pegado ao poste, pero o porteiro do Chaián enviou o esférico a córner. A defensa amiense amosaríase moi segura despexando os balóns en longo do Chaián, sobre todo un gran Cool no lateral esquerdo. Preto do descanso chegaría a ocasión máis clara para o Ames. Nito recibe só preto da área, tras vir o balón rexeitado dun rival. Ao encarar ao porteiro, supérao cunha picada sutil pero o esférico pasa uns centímetros botando por fóra do poste. Na reanudación, o Ames seguiu atacando e o Chaián agardaba a súa oportunidade á contra. No minuto 55, un pase de Roi deixou só a Adrián, que foi agarrado por un rival cando ía encarar a portería. O árbritro non entendeu que a acción fose punible como penalti. Pouco despois o Chaián anotaría o segundo gol, un xarro de auga fría para os locais. Un erro nun despexe foi aproveitado pola dianteira visitante, facendo o segundo tanto. Ante o marcador adverso, o Ames puxo defensa de tres e arriscou para buscar o empate. Pero o Chaián anotaría o terceiro tras un penalti cometido por Gamarra, que Juan estivo a piques de deter. Tras o cero a tres, o Ames puido reducir distancias cun par de remates, pero o gol local chegaría desde o punto de penalti. Miki anotaría desde os once metros tras unha man dun central visitante na súa área. A piques do remate do encontro, o colexiado sinalaría un novo penalti a favor do Chaián, que Juan estivo de novo a piques de atallar. A pesar de recibir catro goles, Juan realizou un bo encontro baixo paos, igual q o resto do equipo, que se atopou cunha derrota demasiado abultada. Con esta derrota, o Ames é décimo con seis puntos, á espera de que a Federación se pronuncie sobre a reclamación interposta contra a Sionlla por aliñación indebida. O próximo, sacar algo positivo de Trazo o próximo domingo.