Derrota do Ames cun resultado enganoso favorable á Luaña (1-5)

O Ames deixou escapar unha boa oportunidade para asentarse na novena praza tras caer goleado no Castro ante a Luaña, un rival que sen face demasiados méritos, estivo acertadísimo no remate levándose un premio excesivo. E é que o encontro comezou cun dominio abrumador do Ames, con ocasións de sobra para colocarse nos primeiros vinte minutos cun dous ou tres a cero ao seu favor. Neste tempo, Miki e Diego enviaron sendas faltas directas ao longueiro, Diego rematou de cabeza preto do longueiro, Juansiño entrou un par de veces desde a esquerda e os seus disparos cruzados fóronse rozando o pao ou acabaron en córner. Ademais, Diego foi derrubado na área por dous contrarios cando se dispoñía a cabecear unha falta lateral colgada por Miki. Moncho intentouno cun par de boleas desde a frontal que foron rexeitadas polo porteiro visitante. E mediada a primeira parte chegaron as dúas accións que mermaron a moral do Ames. A Luaña fixo gol na primeira chegada con certo perigo, unha falta colgada desde a banda, remataron a bocajarro, Fuentes rexeitou e o propio rematador fixo gol. Dous minutos despois, case sen tempo a lanzarse polo empate, chegou o cero a dous. Un rexeite nun córner foi boleado por un mediocampista visitante, facendo o segundo. De repente, o Ames pasou de ter dominado o partido de cabo a rabo a ir perdendo por dous goles, algo difícil de dixerir. E tanto, o resto dos minutos o Ames intentouno pero sen a claridade de ideas dos primeiros vinte minutos, e a Luaña fixo o terceiro xusto antes do descanso nun remate de cabeza do seu home máis alto. Na reanudación, o Ames saíu con ánimo de reducir distancias e meterse no partido. Puido face-lo nos minutos iniciais da segunda parte, con varias chegadas de Juansiño e Llello que sen embargo non acababan de concretarse en ocasións claras. A Luaña rematou o encontro co cuarto gol no primeiro tercio da segunda parte, unha chilena dun dos seus atacantes, desas que saen unha vez na vida. Coa Luaña de dulce, o Ames foise diluíndo impotente, e os minutos foron pasando. O quinto gol chegou nunha contra mentres o Ames buscaba maquillar o resultado. O golda honra foi logrado por Diego tras anotar un penalti cometido sobre Juansiño. O Ames acabou pagando o desacerto dos primeiros minutos e acabou goleado. En fin, a seguir traballando!!!