O marcador final non reflectiu o ocorrido no campo

O Ames caeu derrotado este domingo en Covas ante o Trazo, nun encontro que rematou con un gol a tres para os visitantes. O partido foi desputado por ambos bandos, con máis corazón que acerto, e a derrota do Ames foi máis abultada do que o xogo facía entrever. Foi un deses partidos que deberían acabar en empate ou cunha victoria pola mínima. O Trazo xogou mellor no primeiro tempo, pero non tanto como para ir ó descanso con dous goles de diferencia. Na reanudación, o Ames intentouno, e cando se estaba empezando a sentir cómodo e a chegar con maior facilidade á área rival, encaixou o terceiro gol. Tardou o equipo local uns dez minutos en repoñerse do mazazo, e con empuxe provocou varias situacións que ben poderían ter acabado en gol. Unha delas foi un intento de disparo de Chete, truncado na área por un rival, sen que o árbitro advertise penalti. Tamén Diego se lanzou nun rexeite do porteiro en dúas ocasións sen conseguir empuxar o balón dentro da portería. Nun deses barullos chegou o gol de Benito, pero foi demasiado tarde para poder remontar.