O Ames tira o derbi ante o Costoia no primeiro tempo

Un horrible primeiro tempo do Ames privoulle de prolongar a boa racha de resultados ante o Costoia no municipal de Bertamiráns. O tres a cero co que se foi ao descanso tirou pola borda as ilusións do Ames de alcanzar ao Calo B na clasificación. O xogo combinativo do Costoia e a distancia entre liñas do Ames foron determinantes nos primeiros corenta e cinco minutos. No segundo tempo, cun par de cambios que axustaron o mediocampo do Ames, os visitantes melloraron e a reacción chegou co gol de falta de Diego. Os dez minutos saeguintes ao gol foron do Ames, pero os paos e a falta de acerto condenaron ao equipo. O cuarto gol do Costoia chegou á contra mediado o segunto tempo e o encontro non tivo máis historia. O Ames segue noveno a catro puntos do Calo B.